ପୁଣି ଥରେ ପାକିସ୍ତାନକୁ ବଡ଼ ଝଟକା ଦେଲା ଚୀନ, ସଙ୍କଟରେ ଇମ୍ରାନ ସରକାର!

ନୂଆଦିଲ୍ଲୀ: ଯଦିଓ ଚୀନ୍ (China) ଏବଂ ପାକିସ୍ତାନ (Pakistan) ମଧ୍ୟରେ ବନ୍ଧୁତ୍ୱର ଚର୍ଚ୍ଚା ସମଗ୍ର ବିଶ୍ୱରେ ପ୍ରସିଦ୍ଧ । କିନ୍ତୁ ମଝି ମଝିରେ ପାକିସ୍ତାନକୁ ଝଟକା ଦେବା ଜାରି ରଖିଛି ଚୀନ । ଏହି କ୍ରମରେ ଚୀନ୍ ପାକିସ୍ତାନକୁ ଆଉ ଏକ ବଡ଼ ଝଟକା ଦେଇ ଚୀନ୍-ପାକିସ୍ତାନ ଇକୋନୋମିକ୍ କରିଡର (CPEC) ର ପ୍ରକଳ୍ପ ବନ୍ଦ କରି ଦେଇଛି । ପାକିସ୍ତାନରେ ଯେଉଁଠି ଗୋଟିଏ ପଟେ କୋରୋନା ମୁକାବିଲା ଜାରି ରହିଛି, ଅନ୍ୟପଟେ ରାଜନୈତିକ ଅସ୍ଥିରତାର ସମୟ ଦେଇ ଗତି କରୁଛି । ଏହା ବ୍ୟତୀତ ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏପରି କରି ଚୀନ କୂଟନୈତିକ ଖେଳ ଖେଳୁଛି ଯାହାଦ୍ୱାରା ପାକିସ୍ତାନ ଅଧିକ ସୁଧ ହାରରେ ଋଣ ନେବାକୁ ବାଧ୍ୟ ହୁଏ ।

ଏସିଆ ଟାଇମ୍ସ ରିପୋର୍ଟ ଅନୁଯାୟୀ, ସିପିଇସି (CPEC) ର ପ୍ରକଳ୍ପ ବନ୍ଦ ହେତୁ ପାକିସ୍ତାନ ଅସୁବିଧାରେ ପଡିପାରେ । ଏହି ପ୍ରକଳ୍ପର ଅନେକ ପରିଯୋଜନା ପୂର୍ବରୁ ବନ୍ଦ କରିଦିଆଯାଇଛି । ଏଥିମଧ୍ୟରେ ସେହି ପ୍ରକଳ୍ପ ଅନ୍ତର୍ଭୁକ୍ତ ଯାହାକି ୨୦୧୮ରେ ଇମ୍ରାନ ସରକାର ଦ୍ୱାରା ବନ୍ଦ ହୋଇଯାଇଥିଲା କାରଣ ସେଥିରେ ପୂର୍ବ ସରକାରଙ୍କ ଦୁର୍ନୀତିରେ ସନ୍ଦେହ ଥିଲା ।

ଅଧିକ ପଢ଼ନ୍ତୁ:-କୋରୋନା ଭୂତାଣୁକୁ ନେଇ ଭୟଙ୍କର ଚେତାବନୀ ଜାରି କଲା WHO

ନିକଟରେ ପାକିସ୍ତାନ CPEC ର ନିବେଶର ମୋଟ ଧନରାଶିର ଏକ ଅଂଶ ଋଣ ଆକାରରେ ଚୀନରୁ ମାଗିବାର ଯୋଜନା କରିଥିଲା । ଚୀନ୍ ମଧ୍ୟ ଏପରି ଏକ ରଣନୀତି ଆପଣେଇଛି ଯାହା ପାକିସ୍ତାନକୁ ଅଧିକ ସୁଧ ହାରରେ ଋଣ ନେବାକୁ ବାଧ୍ୟ କରିବ । ଏକ ତଥ୍ୟ ଏହା ମଧ୍ୟ ଅଛି ଯେ ଇମ୍ରାନ ସରକାର ପ୍ରମୁଖ ଭିତ୍ତିଭୂମି କାର୍ଯ୍ୟରେ ମନ୍ଥରତାର ସାମ୍ନା କରୁଛନ୍ତି ।

ଅଧିକ ପଢ଼ନ୍ତୁ:-ଜାଣନ୍ତୁ କିପରି କେବଳ ଗୋଟିଏ ଚାମଚ କୋରୋନା ଭୂତାଣୁ ସାରା ଦୁନିଆକୁ କରିଦେଲା ବର୍ବାଦ

ଏହି ସମୟରେ, ସିପିଇସି ପ୍ରାଧିକରଣର ଚେୟାରମ୍ୟାନ୍ ଅବସରପ୍ରାପ୍ତ ଲେଫ୍ଟନାଣ୍ଟ ଜେନେରାଲ୍ ଅସୀମ ସଲିମଙ୍କ ନାମ ମଧ୍ୟ ଦୁର୍ନୀତିରେ ଆସିଥିଲା । ଚୀନ୍ ପାଇଁ ଏହା ଏକ ଝଟକା ଠାରୁ କମ ନଥିଲା । କାରଣ ସେ ସୈନ୍ୟବାହିନୀକୁ ଏହାର ଅଂଶୀଦାର କରିଥିଲା ଯାହା ଦ୍ୱାରା ଦୁର୍ନୀତି ପ୍ରସଙ୍ଗ ସାମ୍ନାକୁ ଆସିବ ନାହିଁ । ଅନ୍ୟପକ୍ଷରେ, ଆଜିକାଲି ପାକିସ୍ତାନରେ ରାଜନୈତିକ ଅସ୍ଥିରତା ଦେଖାଦେଇଛି । ବିରୋଧୀ ଦଳ କିଛି ସମୟ ଧରି ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରୁଛନ୍ତି । ବିରୋଧୀ ଦଳର ମିଳିତ ମେଣ୍ଟ ପୁଣି ଥରେ ଘୋଷଣା କରିଛି ଯେ ସରକାରଙ୍କ ନିଷେଧାଦେଶ ସତ୍ତ୍ୱେ ସେମାନେ ନଭେମ୍ବର ୨୨ରେ ପେଶୱାରରେ ଏକ ମେଗା ରାଲି କରିବେ ।